முக்கியச் செய்தி
அனைத்து முத்துப்பேட்டை எக்ஸ்பிரஸ் இணையத்தளத்தின் வாசகர்களுக்கு மனமார்ந்த இனிய பெருநாள் வாழ்த்துக்கள்

பெற்ற சுதந்திரத்தை பேணி காப்போம் !!


முத்துப்பேட்டைக்கு ஆம்புலன்ஸ் வாங்கிட உதவிடுவீர் !!

முத்துப்பேட்டைக்கு ஆம்புலன்ஸ் வாங்கிட உதவிடுவீர் !!

SDPI தலைவர் தெஹ்லான் பாக்கவியுடன் நேர்கானல் !!!

TNTJ நடத்திய சிறைசெல்லும் போராட்ட களத்தில் பி .ஜே .யுடன் நேர்காணல்

முத்துப்பேட்டை தெற்கு தெருவில் TNTJ வின் மூன்றாவது கிளை !!!

ஏக இறைவனின் திருப்பெயரால் ....
அஸ்ஸலாமு அழைக்கும்
தமிழ் நாடு தவ்ஹீத் ஜமாஅத் முத்துப்பேட்டையில் மூன்றாவது புதிய கிளை தெற்குத் தெருவில் உதயம் .


கடந்த 08.08.2014 அன்று முத்துப்பேட்டையில் தெற்குத் தெரு பகுதியில் ஏகத்துவத்தை எத்தி வைக்க மூன்றாவது கிளை உருவாகியுள்ளது. திருவாரூர் மாவட்ட தலைவர் பீர் முகம்மது தலைமையில் நடை பெற்ற நிகழ்ச்சியில் கீழ் கண்ட நிர்வாகிகள் தேர்ந்த்டுக்கபட்டுள்ளனர் ..
தலைவர் :- முஹமது மீரான் (கட்டிநானா )
செயலாளர் :-ஷாஜகான்
பொருளாளர் :-முஹம்மது செக் தாவுது
இதில் மாவட்ட செயலாளர் அப்துல் மாலிக் , மாவட்ட துணைத்தலைவர் மிஸ்கின் மற்றும் மாவட்ட முன்னாள் மாவட்ட தலைவர் அன்சாரி ஆகியோர் கலந்து கொண்டனர் .

முத்துப்பேட்டையில் ஆதரவற்று கிடந்த முதியவரை மீட்டு உறவினரிடம் ஒப்படைத்த தமிழ்நாடு தவ்ஹீத் ஜமாத்தினர் !!!

யாருடைய கண்ணுக்கும் புலப்படாமல் ஆசாத் நகர் கஸ்டம்ஸ் ஆபீஸ் ஆருகில் குப்பைகளுக்கு இடையில் படுத்து உறங்கிய முதியவரை வர்த்தக சங்க நிர்வாகி ராஜா ராம் அவர்கள் கண்டு அன்சாரி அவர்களை தொடர்பு கொண்டு செய்தியை எடுத்து கூறியவுடன் களத்தில் இறங்கிய TNTJ வினர் ரஹ்மத் நகர் மர்க்கஸில் வைத்து அடையாளம் காணப்பட்டு உறவினர்களிடம் ஒப்படைத்தனர் ... 
அல்ஹம்துலில்லாஹ்

ஆக்கிரமிப்பை அகற்ற கோரி முத்துப்பேட்டை TNTJ கிளை 2 சார்பாக பேருராட்சிக்கு மனு கொடுக்கப்பட்டது
முத்துப்பேட்டை ரஹ்மத் நகரில் பொதுமக்களுக்கு இடையூராக பேருராட்சிக்கு சொந்தமான இடத்தில் சட்டத்திற்கு புறம்பாக விதிமுறைகளை மீறி மக்கள் செல்லமுடியாமல் கடையை கட்டி வியாபாரம் நடத்தி வருபவரின் கடையை அகற்றுமாறு பேருராட்சிக்கு இன்று கடிதம் கொடுக்கப்பட்டுள்ளது .
அந்த கடையை அகற்றி நடவடிக்கை எடுக்காவிட்டால் வருகிற 30.09.2014 அன்று மாவட்டத்தை திரட்டி மாபெரும் போராட்டத்தை அறிவிக்கும் என்று முத்துப்பேட்டை கிளை 2 சார்பாக அந்த மனுவில் தெரிவிக்கப்பட்டுள்ளது


திருத்துறைபூண்டி அரசு மருத்துவமனையின் அலட்சிய போக்கை கண்டித்து தமுமுகவினர் நடத்திய சாலைமறியல் !!

கடந்த இரண்டு தினங்களுக்கு முன்பு மனநிலை பாதிக்கப்பட்ட முஸ்லிம் பெண் ஒருவர் திருத்துறைபூண்டியில் வீதியில் இறந்து கிடந்துள்ளார் உடனே காவல்துறை பிரேதத்தை மீட்டு அரசு மருத்துவ மனையில் வைத்துள்ள தகவல் தெறிந்து இறந்துவிட்டவரின் உறவினர்கள் தமுமுக வினர்களை அழைத்துக்கொண்டு பிரேதத்தை அடையாளம்கன்டு உறுதி செய்தபின் காவல்நிலையம் சென்று சில எழுத்துப்பூர்வமான வேலைகளை முடிப்பதற்குள் இரவு நேரமாகி விட்டபடியால்.


திருத்துறைபூண்டி காவல்துறை கேட்டுக்கொண்டதற்கினங்க நேற்று காலை பிரேதபரிசோதனை செய்து பிரேதத்தை பெறுவதற்காக இறந்துவிட்டவரின் உறவினர்கள் திருத்துறைபூண்டி அரசு மருத்துவமனை வாசலில் நீன்ட நேரமாக காத்திருந்தும் ஏதேதோ காரனங்களை சொல்லி தட்டிக்கழித்து பிரேதபரிசோதனை செய்யமல் காலம் கடத்தி அலட்சியப்படுத்தியுள்ளனர்.


இதையறிந்த தமுமுகவினர் மாநில செயற்குழு உறுப்பினர் நாச்சிகுளம் தாஜுதீன் அவர்கள் தலைமையில் ம ம க திருவாரூர் மாவட்ட செயலாளர் சீனி ஜெஹபர் சாதிக் மமக முன்னால் மாவட்ட துனை செயலாளர் கட்டிமேடு ராவுத்தரப்பா ஜயாவுதீன் நாச்சிகுளம் ரசீது திருத்துறைபூண்டி நகர தமுமுக நிர்வாகிகள் கூத்தாநல்லூர் நகர தமுமுக நிர்வாகிகள் மற்றும்பலருடன் நாகை சாலையில் அமர்ந்து அரசு மருத்துவமனை நிர்வாகத்தின் அலட்சிய போக்கை கன்டித்து சாலை மறியல் செய்யப்பட்டது உடனடியாக சம்பவ இடத்திற்கு வந்த காவல்துறை சமாதானம் பேச்சு வார்த்தை நடத்தியதில் சுமூக உடன்பாடு ஏற்பட்டதினால் சாலை மறியல் கைவிடப்பட்டு உடனடியாக பிரேதபரிசோதனை செய்யப்பட்டு உரியவர்களிடம் ஒப்படைக்கப்பட்டது..

முத்துப்பேட்டை மரைக்காயர் தெரு மைய பகுதியில் வீட்டு மனை விற்பனைக்கு !!!

  அஸ்ஸலாமுஅலைக்கும் வரஹ்.....


முத்துப்பேட்டை மரைக்காயர் தெருவின் மைய  பகுதியில் வீட்டு மனை விற்பனைக்கு வந்துள்ளது .பள்ளிவாசல் ,மார்கெட் ,கடைதெரு போன்றவைகள் வீட்டிலிருந்து மிகவும் அருகாமையில் உள்ளது  கார் போன்ற வாகனங்கள் செல்வதற்கும் சாலை வசதிகள் மிகவும் சிறப்பாக அமைந்துள்ளது .

மொத்தம் 12 குழிகள் உள்ளன .மிகவும் அழகான தோற்றத்தில் சதுர  வீடு கட்டுவதற்கு இந்த இடம் ஏதுவாக உள்ளது .

இன்றே முன்பதிவு செய்யுங்கள்!!!

தொடர்புக்கு -அலைபேசி :9894795822

முத்துப்பேட்டை கொய்யா ரெஜாக் ஹாஜியார் மறைவு -: வீட்டிற்கு நேரில் வந்த திருநாவுக்கரசர் !!!

முத்துப்பேட்டையின் முதல் செல்வந்தரும் ,தொழிலதிபரும் ,இந்திய கம்யூனிஸ்ட் கட்சியின் மூத்த உறுப்பினரும் நமது முத்துபேட்டை எக்ஸ்பிரஸ் இணையதள ஆசிரியர் ஷேக்பரீத் அவர்களின் மாமனாருமாகிய அல்ஹாஜ் ,கொய்யா NA அப்துல் ரெஜாக் ஹாஜியார் அவர்கள் கடந்த மாதம் இயற்கை எய்தினார்கள் .
                                      







இதனை அறிந்த முன்னாள் மத்திய  தகவல் தொழில் நுட்பம் மற்றும் கப்பல் போக்குவரத்து துறை அமைச்சருமாகிய திரு சு .திருநாவுக்கரசர் முத்துப்பேட்டையில் உள்ள அவரது வீட்டிற்கு நேரில் வருகை தந்தார் .


பின்னர் கொய்யா ரெஜாக் ஹாஜியார் அவர்களின் மனிதநேய மக்கள் பணிகள் பற்றி தம்பி ஷேக் பரீத் மூலமாக நான் நிறைய விஷயங்களை கேள்விப்பட்டு இருக்கிறேன் என்றும் ,தான் இறப்பு செய்தி கேள்விப்பட்ட அன்று அமெரிக்காவில் இருந்தமையால் உடனடியாக வருகை தர முடியவில்லை என்றும் கூறினார் .


படங்கள் உதவி :ரிபோர்ட்டர்  முஹைதீன் பிச்சை 

செய்தி :ஜே ஷேக்பரீத் 

முத்துப்பேட்டை கொய்யா ரெஜாக் ஹாஜியார் மறைவு -:வீட்டிற்கு நேரில் வந்தார் தா .பாண்டியன் !!

முத்துப்பேட்டையின் முதல் செல்வந்தரும் ,தொழிலதிபரும் ,இந்திய கம்யூனிஸ்ட் கட்சியின் மூத்த உறுப்பினரும் நமது முத்துபேட்டை எக்ஸ்பிரஸ் இணையதள ஆசிரியர் ஷேக்பரீத் அவர்களின் மாமனாருமாகிய அல்ஹாஜ் ,கொய்யா NA அப்துல் ரெஜாக் ஹாஜியார் அவர்கள் கடந்த மாதம் இயற்கை எய்தினார்கள் .
                                      








இதனை அறிந்த இந்திய கம்யூனிஸ்ட் கட்சியின் மாநில செயலாளர் திரு .தா .பாண்டியன் அவர்கள் முத்துப்பேட்டையில் உள்ள அவரது வீட்டிற்கு நேரில் வந்து ஆறுதல் கூறினார் .பின்னர் பழைய நிகழ்வுகளை நினைவு கூர்ந்த தா .பாண்டியன் அவர்கள் ,கொய்யா ரெஜாக் ஹாஜியார் அவர்கள் மனிதநேயத்திற்கும் ,மதனல்லினக்கத்திற்கும் எடுத்துகாட்டாய் விளங்கியவர் என்றும் ,அவரை போன்ற ஒரு உயர்ந்த உள்ளம் கொண்ட மனிதரை இனி தனது வாழ்நாளில் காண்பேனா என்பது சந்தேகம் தான் என்றும் கண்கலங்கினார் .

கொய்யா ரெஜாக் ஹாஜியார் அவர்கள் கம்யூனிஸ்ட் கட்சியில் இணைந்த போது ஒரே நாளில் சுமார்  பத்தாயிரத்திற்கும் மேற்பட்டோர்களை ஒன்று திரட்டி மக்கள் புரட்சிக்கு வித்திட்டவர் என்றும் ,தன்னை தேடி வருவோருக்கு ,தன்னை நாடி வருவோருக்கு இல்லை என்றே சொல்லாமல் உதவிகளை வாரி வாரி வழங்கிய பாரி வள்ளல் கொய்யா ரெஜாக் ஹாஜியார் அவர்கள் என்றும் கூறினார் .

கொய்யா ரெஜாக் ஹாஜியார் செய்த மக்கள் பணிகள் மகத்தான பணிகள் என்றும் ,ஹாஜியார் அவர்கள் கடந்த 25 ஆண்டுகளுக்கு முன்பு  பல்லாயிரக்கனக்கான மக்களை திரட்டி முத்துப்பேட்டையில் நடத்திய மக்கள் பேரணி , முத்துப்பேட்டையை மாத்திரம் மட்டுமல்ல தமிழக அரசியல் அரங்கையே அதிரச் செய்தது என்றும் ,ஹாஜியார் அவர்களை இழந்து வாடும் முத்துப்பேட்டை மக்களுக்கும் ,கொய்யா குடும்பத்தினருக்கும் தனது இரங்கலையும் ஆறுதலையும் தெரிவித்து கொள்வதாகவும் தா பாண்டியன் கூறினார் .

மேலும் முத்துப்பேட்டையில்   இந்திய கம்யூனிஸ்ட் அலுவலகம் கட்டுவதற்கு இலவசமாக அவரது சொந்த இடத்தினை ஒதுக்கி எழுதி கொடுத்தது மட்டுமல்லாமல் ,கடந்த 25 ஆண்டுகளுக்கு முன்னரே ஒன்றரை லட்சம் ரூபாய் பணமுடிப்பை வழங்கிய கண்ணியத்திற்குரிய மனிதர் கொய்யா ரெஜாக் ஹாஜியார் என்று கூறினார் .


குறிப்பு :மர்ஹூம் கொய்யா ரெஜாக் ஹாஜியார் அவர்கள் முத்துப்பேட்டை மக்களுக்காக , முத்துப்பேட்டையின் வளர்சிக்காக பல்வேறு நல உதவிகளையும் பல்வேறு நலத்திட்ட உதவிகளையும் செய்து இருக்கிறார்கள் .

குறிப்பாக முத்துப்பேட்டை பேரூராட்சி , முத்துப்பேட்டை சார்பதிவாளர் அலுவலகம் ,முத்துப்பேட்டை காவல் நிலையம் ,காவல் நிலையம் எதிரே இயங்கி வரும் அரசு உதவி பெரும் நடுநிலை பள்ளி ஆகிய இடங்களை முத்துப்பேட்டையின் வளர்சிக்காக தானமாக வழங்கியவர்தான் மர்ஹூம் ஹாஜி கொய்யா  ரெஜாக் ஹாஜியார் அவர்கள் .குறிப்பாக முத்துப்பேட்டை ரயில் நிலையத்தையும் அரசாங்கத்திற்காக வெள்ளைகாரர்கள் ஆட்சி செய்யும் போது  மர்ஹூம் ரெஜாக் ஹாஜியார் அவர்களின் தந்தை பிரிட்டிஷ் இளவரசர்  லார்டு வைஸ்ராய் அவர்களிடம் தானமாக கொடுத்துள்ளார்கள் .

இதனை நாம் ஏன் சுட்டி காட்டுகிறோம் என்றால் நேற்றைய சந்ததியினருக்கு நன்றாக தெரியும் ,இன்றைய சந்ததியினருக்கும் நன்றாக தெரியும், நாளைய சந்ததிகள்  நன்றாக தெரிந்து கொள்ள வேண்டும் என்ற நல்ல நோக்கத்திற்காகவே .

படங்கள் உதவி :ரிபோர்ட்டர் முஹைதீன் பிச்சை 
தொகுப்பு :ஜே :ஷேக் பரீத்               

முத்துப்பேட்டை கலவரம் :பாதிக்கப்பட்ட மணிக்கு திருக்குர்ஆன் வழங்கிய இணையதள ஆசிரியர் ஷேக்பரீத் !!!

முத்துப்பேட்டையில் கடந்த வாரம் இந்துமுன்னணி சார்பில் நடைபெற்ற விநாயகர் ஊர்வலத்தில் இச்லச்மியகளின் வீடுகளை இந்துமுன்னணியை சேர்ந்த பயங்கரவாதிகள் கல்வீசி தாக்கினர் .இதனை தொடர்ந்து முத்துப்பேட்டை கொய்யா மஹால் அருகே வசிக்கும் மணி என்பவருக்கு சொந்தமான பெட்டி கடையை யாரோ சில மர்ம ஆசாமிகள் தீயிட்டு சேதப்படுத்தினர் .

இதனை தொடர்ந்து பல்வேறு யூகங்களில் பேசப்பட்டு வந்த நிலையில் ,சகோதரர் மணி அவர்கள் நமது முத்துப்பேட்டை எக்ஸ்பிரஸ் .காம் இணையதளத்திற்கு அளித்த பேட்டியில்,தனது கடையை இஸ்லாமியர்களோ அல்லது மதநல்லிணக்கத்தை விரும்பும் இந்துக்களோ செய்திருக்க வாய்ப்பில்லை என்று பேட்டியளித்திருந்ததை நாம் முத்துபேட்டை எக்ஸ்பிரஸ் .காம் இணையதளத்தில் செய்தி வெளியிட்டு இருந்தோம் .இச்செய்தி அரசியல் அரங்கில் பெரும் பரபரப்பை ஏற்படுத்தியதோடு மட்டுமில்லாமல் ,இஸ்லாமியர்களை தீவிரவாதிகளாகவும் ,பயங்கரவாதிகளாகவும் சித்தரிக்க முயலும் பாஜக ,ஆர் எஸ் எஸ் ,மற்றும் இந்துமுன்னணி போன்ற மதவாத இயக்கங்களின் முயற்சிக்கு பலத்த அடியாகவும் ,பெரும் பின்னடைவாகவும் கருதப்படுகிறது .


இந்நிலையில் இஸ்லாமியர்களின் தொப்புள் கொடி உறவான சகோதரர் மணி அவர்களை முத்துப்பேட்டை எக்ஸ்பிரஸ் .காம் இணையதலகுழுவின் சார்பாக அவரை சந்தித்தோம் .பின்னர் அவர் நமது முத்துப்பேட்டை எக்ஸ்பிரஸ் இணையதளத்தின் வாயிலாக ,தனது கடையை திறப்பதற்கு இஸ்லாமிய சகோதரர்களிடம் நிதி உதவி வேண்டி கோரிக்கை விடுத்தது தொடர்பாகவும் ,பின்னர் வெளிநாடுகளில் இருந்து அவருக்கு தொலைபேசி அழைப்புக்கள் வந்தது பற்றியும் யாராவது பண உதவிகள் செய்ய முன் வந்துள்ளனரா என்பது பற்றியும் விசாரித்தோம் .


இது குறித்து நம்மிடம் பேசிய மணி ,தன்னிடம் பேசியவர்களில் பெரும்பாலானோர் உதவி செய்ய தயாராக இருப்பதாகவும் ,தன்னுடைய வங்கி கணக்கு என்னை கொடுக்குமாறு கூறியதாக நம்மிடம் தெரிவித்தார் .
பின்னர் அவரிடமிருந்து வங்கி கணக்கு என்னை பெற்றுக்கொண்ட நாம் ,உலக மக்களின் பொது மறையாம் திருமறை குரானின் தமிழாக்கத்தை சகோதரர் மணி அவர்களுக்கு வழங்கினோம் .அதனை பெரும் ஆவலோடு பெற்றுக்கொண்ட மணி அவர்கள் ,குரானின் பக்கங்களை புரட்டி அதன் அத்தியாயங்களையும் வசனங்களையும் ஓதி பார்த்தார் .


சகோதரர் மணி அவர்களுக்கு அல்லாஹ் ஹிதாயத் கொடுக்க நாம் அனைவரும் துவா செய்வோமாக ...ஆமீன் ...

பண உதவி செய்ய விரும்புவோர் மணி அவர்களின் கீழ்கண்ட வங்கி கணக்கிற்கு அனுப்பி வைக்கும்படி கேட்டு கொள்கிறோம் .

J.MANIKANDAN
A/C NO:609201007488

ICICI BANK
MUTHUPETTAI BRANCH
IFSC CODE:ICC 000609
CELL:9698548943

முத்துப்பேட்டையில் எனது கடையை மீண்டும் திறக்க இஸ்லாமியர்கள் உதவி செய்ய வேண்டும் --பெட்டிக்கடை மணி வேண்டுகோள் !!!



முத்துப்பேட்டை கொய்யா மஹால் அருகே பெட்டிக்கடை வைத்திருப்பவர் மணி .சமீபத்தில் இவருக்கு சொந்தமான பெட்டிக்கடையை யாரோ சில மர்ம ஆசாமிகள் தீயிட்டு கொளுத்தியுள்ளனர் .இதனால் கடைக்குள் இருந்த அத்துனை பொருட்களும் தீயில் கருகி நாசமாயின .இதனால் பெரும் மன உளைச்சலுக்கு ஆளான மணி செய்வதறியாது திகைத்து நிற்கிறார் .பாதிக்கப்பட்ட மணியை பல்வேறு இஸ்லாமிய இயக்கங்களின் தலைவர்கள் நேரில் சென்று ஆறுதலை கூறி வருகின்றனர் .

இந்நிலையில் தீயில் கருகிய பொருட்களை மதிப்பீடு செய்வதற்காக நமது முத்துபேட்டை எக்ஸ்பிரஸ் .காம் இணையதளத்தின் சார்பாக கொய்யா மஹால் அருகே இருக்கும் அவரது வீட்டிற்கு சென்றோம் .
பின்னர் நம்மிடம் பேசிய மணி ,நான் மீண்டும் எனது பெட்டி கடையை திறக்க முயற்சி செஞ்சுக்கிட்டு இருக்கேன் பாய் ,இப்போ என்கிட்டே அறவே பணம் இல்லே பாய் , என்றார் .உடனே குறுக்கிட்ட நாம் ,உங்களுக்கு எவ்வளவு பணம் தேவை படுகிறது என்றோம் .

அதற்கு பதிலளித்த அவர் எனக்கு சுமார் ஒன்றரை லட்ச ரூபாய் தேவைப்படுது பாய் என்றார் .பின்னர்  பேசிய அவர் உள்ளூர் மற்றும் வெளிநாடுகளில் வசிக்கும் உங்களது இஸ்லாமிய சகோதரர்களிடம் சொல்லி எனக்கு பண உதவி செய்ய சொல்லுங்க பாய் என்று கண்ணீர் மல்க நம்மிடம் வேண்டுகோள் விடுத்தார் .

மணி என்பவர் பொருளாதார ரீதியில் பின்தங்கியவர் என்பதாலும் ,அவர் பிறவியில் ஊனமாக இருப்பதாலும் ,இதை எல்லாம் காட்டிலும் மணி ஒரு சிறந்த மதநல்லிணக்க வாதி என்பதாலும் இதனை படிக்கும் எமது இஸ்லாமிய சொந்தங்களே ,நமது  தொப்புள் கொடி உறவான ஒரு இந்து சகோதரனுக்கு உங்களால் முடிந்த பண உதவியை செய்து அவரின் வாழ்வில் மறுமலர்ச்சியை ஏற்படுத்திட இன்றே உதவி செய்து நாளை மறுமை வெற்றியாளர்களாக தங்களை ஆக்கி கொள்ளுங்கள் என்று அன்போடு வேண்டுகிறோம் .நீங்கள் இன்று செய்யும் உதவி ,நாளை அவரை இஸ்லாத்தின் பால் இணைக்க கூடும் என்றும் தெரிவித்து கொள்கிறோம் .

மணியை நீங்களே நேரடியாக தொடர்பு கொண்டு உதவிகளை செய்யலாம் :

மணி :அலைபேசி -9698548943




சந்திப்பு :ஜே :ஷேக் பரீத் 
                MA .JOURNALISM AND MASS COMMUNICATION 
                உறுப்பினர் தமிழ்நாடு பத்திரிக்கையாளர்கள் சங்கம் ,
                 சென்னை  

எனது கடைக்கு தீயிட்டவர்கள் கண்டிப்பாக இஸ்லாமியர்களாகவோ அல்லது மதநல்லிணக்கத்தை விரும்பும் இந்துக்களாகவோ இருக்க வாய்ப்பில்லை !!நெஞ்சை உறைய வைத்த மணியின் பளீர் பேட்டி!!!

முத்துப்பேட்டையில் கடந்த 3 ஆம் தேதி இந்துமுன்னணியினர் நடத்திய விநாயகர் ஊர்வலத்தில் வன்முறை வெடித்தது .சுமார் 18 க்கும் மேற்ப்பட்ட இஸ்லாமியர்களின் வீடுகள் மற்றும் கடைகள் குறிவைத்து தாக்கப்பட்டன .

பின்னர் கொய்யா மஹால் அருகே மணி என்பவருக்கு சொந்தமான பெட்டிக்கடை யாரோ சில மர்ம ஆசாமிகளால் தீயிட்டு கொளுத்தப்பட்டது .இதனை தொடர்ந்து,முத்துப்பேட்டை காவல் நிலையத்தில் ,பாதிக்கப்பட்டவரும் கடையின் உரிமையாளருமான மணி புகார் ஒன்றை கொடுத்துள்ளார் .

இந்நிலையில் தீயினால் கருகிய தனது கடையை புணரமைக்கும் பணிகளை மணி செய்துகொண்டிருந்தார் .முத்துப்பேட்டை எக்ஸ்பிரஸ் இணையதளத்தின் சார்பில் அவரை சந்தித்தோம் .புணரைப்பு பணிகளுக்கிடையில் மிகவும் சோகமாக காணப்பட்டவர் ,நம்மை கண்டவுடன் இன்முகத்துடன் வரவேற்றார்.பின்னர் நாம் கேட்ட கேள்விகளுக்கு அவர் பதிலளித்தார் .

கே :உங்கள் கடைக்கு  தீவைத்தவர்கள் யாருன்னு தெரியுமா ?

பதில் : கடவுள் மேல சத்தியமா தெரியாதுங்க .வழக்கம் போல் 3 ஆம் தேதி இரவு கடையை சாத்திவிட்டு  வீட்டிற்கு சென்றுவிட்டேன் .பின்னர் கலையில் மீண்டும் எனது கடையை திறக்க வரும்போது ,எனது கடையின் சட்டர மீது படிந்திருந்த தீக்கரியை கண்டு அதிர்ச்சியடைந்தேன் .பின்னர் உள்ளே சென்று பார்த்த பொழுது ,உள்ளே இருந்த அத்துனை பொருட்களும் தீயால் கருகி இருந்ததை கண்டேன் .

கே :உங்கள் கடையை சேதப்படுத்தியது தொடர்பாக காவல் நிலையத்தில் புகார் ஏதும் கொடுத்துள்ளீர்களா ?

பதில் :ஆம் கொடுத்துள்ளேன் .

கே :உங்களிடம் என்ன விசாரித்தார்கள் ?

பதில் :உங்களுக்கு தனிப்பட்ட எதிரிகள் யாரும் உண்டா என கேட்டார்கள் .எனக்கு அப்படிப்பட்ட எதிரிகள் யாரும் இல்லை என தெரிவித்துவிட்டேன் .

கே :இந்து முன்னணி நடத்திய விநாயகர் ஊர்வலத்தில் ஒரு சமுதாயத்தை சேர்ந்தவர்களின் வீடுகள் தாக்கப்பட்டுள்ளது .இதற்கு பதிலாக உங்கள் கடையை சேதபடுத்தி இருப்பார்கள் என நினைகின்றீர்களா ?

பதில் :கண்டிப்பாக அப்படி நான் நினைக்கவில்லை பாய் .ஏன் என்று சொன்னால் எனக்கு எல்லோரிடமும் நல்ல பழக்க வழக்கம் உள்ளது .குறிப்பாக இஸ்லாமிய பெரியோர்கள் மற்றும் இஸ்லாமிய இளைஞர்கள் என்னிடம் அன்பாக பழகுவார்கள் .எனவே என் கடையை ஒரு இஸ்லாமியரோ அல்லது மதநல்லிணக்கத்தை விரும்பும் இந்துக்களோ செய்திருக்க வாய்ப்பே இல்லே பாய் .

சந்திப்பு :ஜே :ஷேக் பரீத் 
                MA .JOURNALISM AND MASS COMMUNICATION 
                உறுப்பினர் தமிழ்நாடு பத்திரிக்கையாளர்கள் சங்கம் ,
                 சென்னை  

முத்துப்பேட்டை கலவரம் -இந்துமுன்னனிக்கு SDPI பொதுசெயலாளர் நிஜாம் முஹைதீன் எச்சரிக்கை !!

கடந்த 03.09.2014 அன்று முத்துப்பேட்டையில் நடந்த விநாயகர் சதுர்த்தி ஊர்வலத்தின் போது முஸ்லிம்கள் வசிக்கும் பகுதிகளில் உள்ள வணிக வளாகம் மற்றும் வீடுகளின் மீது சமூகவிரோதிகள் கல், உருட்டுக்கட்டை, இரும்பு பைப் போன்ற ஆயுதங்களை கொண்டு தாக்கி உள்ளனர்.

ஒவ்வொரு ஆண்டும் முத்துபேட்டையில் விநாயகர் சதுர்த்தி ஊர்வலத்தில் சதி திட்டம் தீட்டி மதக் கலவரத்தை தூண்ட வேண்டும் என்ற கெட்ட எண்ணத்தில், இந்து முன்னணி மற்றும் பிஜேபி கட்சியினர் இதுபோன்று செயல்பட்டு வருகின்றனர்.

இதற்கு தகுந்தாற்போல் இரவு நேரங்களில் முஸ்லிம்கள் அதிகமாக வசிக்க கூடிய பகுதிக்குள் ஊர்வலம் நடத்தி வன்முறையை தூண்டி வருகின்றனர். ஊர்வலத்தின் போது முஸ்லிம்கள் வசிக்கும் வீடுகளின் மீது கற்களை வீசுவதும், ஆபாசமான முறையில் நடந்துகொண்டு, மத வன்முறையை தூண்டும் கோஷங்களை எழுப்புவதும் வாடிக்கையாகி வருகிறது. ஒவ்வொரு ஆண்டும் அவர்களின் வன்முறை நடவடிக்கைகள் அதிகமாகிக் கொண்டே செல்கிறது.

இந்த கலவர கும்பலலுக்கு தலைமை ஏற்று நடத்திவருபவர் பாஜகவின் மாநில பொதுச் செயலாளர் கருப்பு என்ற முருகனாந்தத்தம் ஆவார்.

ஆகவே கருப்பு முருகானந்தம் தலைமையில் வன்முறையை நிகழ்த்தும் சமூக விரோத கும்பல் மீது நடவடிக்கை எடுத்து, முத்துபேட்டையில் நிரந்தர அமைதியை ஏற்படுத்த வேண்டி, திருவாரூர் மாவட்ட காவல்துறை கண்காணிப்பாளர் அவர்களிடம் எஸ்.டி.பி.ஐ கட்சியின் மாநில பொதுச்செயலாளர் நிஜாம் முகைதீன் தலைமையில் எஸ்.டி.பி.ஐ நிர்வாகிகள் குழு புகார் மனுவினை அளித்தனர். புகாரை பெற்றுக்கொண்ட காவல்துறை கண்காணிப்பாளர் உரிய நடவடிக்கையினை மேற்க்கொள்வதாக உறுதியளித்தார்.

அதனைத் தொடர்ந்து எஸ்.டி.பி.ஐ கட்சியின் மாநில பொதுச் செயலாளர் நிஜாம் முகைதீன் தலைமையில் பாதிக்கப்பட்ட மக்களையும் மற்றும் முத்துபேட்டை ஊர் ஜமாஅத் நிர்வாகிகளையும் நேரில் சென்று சந்தித்து சம்வத்தின் உண்மை நிலைமையை கண்டு அறிந்தனர்.

இந்த நேரடி ஆய்வில் திருவாரூர் மாவட்ட எஸ்.டி.பி.ஐ தலைவர் M.A.லத்தீப், மாவட்ட பொதுச் செயலாளர் நைனா முஹம்மது, தஞ்சை தெற்கு மாவட்ட தலைவர் இலியாஸ், திருவாரூர் மாவட்ட நிர்வாகிகள் குழு மற்றும் முத்துபேட்டை எஸ்.டி.பி.ஐ கட்சியின் நகர நிர்வாகிகள் ஆகியோர் கலந்துகொண்டனர்.

தமிழ் மற்றும் ஆங்கிலத்தில் மாற்றி எழுத CTRL+G யை அழுத்தவம்)